آيـا  ميللي حركت بير اپوزيسيون دور ؟

زهره وفايي

 

     گيريش: اوزاق  ايللرده  بير سحر ، يوخودان اوياناركن  حيه طين  باغچاسيند ا بير غريبه  قوشو قونموش گورد وك ! بو گونون باغي  ساييلان او گونكو باغچا ، بو غريبه قوش ايله داها آرتيق ، تاماشالي اولموشد ور . عايله ميزد ن علا وه ، قونشولار – قوهوم لار بو قوشون تاماشاسينا  گليرد يلر . بير پاراسي « قوش قوند وغو يئره خئير – بركت گئتيرر، بونو ساخلا يين » دئييرد يلر . بير پاراسي « چوخ غريبه قوش دور بلكه شوم اولا بيلر ، بير قوربانليق  كسين » د ئييرد يلر. آنجاق آتام اونو ساخلا ماق فيكرينده  وارايدي . تهران  اونورسيتينده تحصيل آلان عمي اوغلوما بير مكتوب  يازد يق و  بو قوشون  نه اولدوغونو  آچيقلا ماغين اوندان ايسته د يك . مكتوب دا بئله يازد يق : .. باغچايا  بير قوش  گليب د ير . آياق لاري و بوينو حاجي ليله ك كيمي ا وزون د ور آمما بد ني هشتر خان بد ني قده ر بويوك د ور . گوزلري  پيشيك گوزو  كيمي  ايشيق لا چئوريلير ، د يمد يگي طوطو قوشو كيمي د ير آنجاق اوندان دا يكه ! بوياغي آغ د ير . آياق لاري اورده ك آياغي كيمي قارماقلي د ير . ياتاندا بير آياغيني ييغير و بوينونو ا يلا ن كيمي بوروب  كوره يينه  قويوب  ياتير.....

     بير مد ت  سو��را  عمي اوغلومدان  مكتوب  گلدي . يازميشدي : ... بو قوش  فلا مينگود ور . او ، اورمو گولوند ن كوچه ر كن  سيزين باغچايا د وشوبد ور .  د يمد يگي و قانات لاري قيرميزي د ير سا ، اركك قوش دور .. سويو سئوه رسه ، باليق وئرين  يئيسين . قانات لاري  رنگ سيز اولسا ، هئله گنج د ير . آمما يورغون دوشمه ييند ن بللي د ير كي چوخ ياشاماياجاق د ير...».

     او د ئميشكن فلا مينگو ، اورمو قوناغي ، تبريزين  ايلك  قاري ياغاندا اولد و ! آمما اونون گلمه يي منه بير درس اولد و ( بير نه يين آد يني بيلمه ك ايچون ، اونجه نه لري بيلمه لييك . ) .

اپوزيسيون نه دير ؟

     اپوزيسيوندان  عمومو  تعريف گئد ند ه  « حاكميت له  قارشي  دايانان   بير  فيكير  صاحيبي  و  چاليشقان  گروپ » د ئييلير . آنجاق اپوزيسيون اونجه بير گروپ اولماسي و سونرا  « بو گروپ دا اولان لار حاكميت له ضد فيكير داشيان لار » و « بو گروپ دا  اولان لار  چئشيدلي  اينام و  فيكير  ماليك لري » و « عيني حال دا حاكميته قارشي ليق دا اورتاق فيكيرده اولان كس لر » و يا « چئشيدلي  بالا  گروپ لارين توپلاند يقي بير ضد گروپ »   دا   د ئييلير .  ايضاح لاردا  اورتاقليق  اولورسادا ، يئنه  چئشيد لي ليك   وارد ير . نه د ن كي  هر اپوزيسيون اوز زاماني و اوز د ورومو اوزريند ن ايضاح لانير .

     Oppose  فعليندان  آلينان opposition، 17نجي عصيرد ن  قالان بير فعل ،  فرانسا حاكميتي له  قارشي دايانان  غيري  بورژووا سئرالارايدي . ايضاح دا « مخالف » معنادا گئده ن فعل ، پراكتيك حال دا « اعتراض ائتمه ك » و  « قارشي دايانماق » و « مبارزه ائتمه ك »  ايضاحي له ده  گئتميش د ير . اونا  گوره ده  سنه لر بويو بو سوزلويو بير پارا باشقا سوزلوك لرله علا وه ائد ه رك ، بير پارا يئني د وروم لاري ايضاح لاميشلار .         o.bench (  آزليق دا  اولان  پارلمنت  عضولر   سئراسي – ايله شن لر ) .  o.parties  ( مخالفت ده  اولان   پا رتيالار  اپوزيسيونو ) . outright.o  (  تام مخالفت چيليك  ) . profound.o (  ده رين مخالفت چيليك  ) .          fierce.o (  سئرت مخالفت چيليك  ) و سايره . د ئمه ك اپوزيسيون بير د وروم د ور تام مخالفت جبهه سينده . حال ميليتاري اوزريله – يا پارلمانتيزيم عرصه سينده – يا پروپاگانا ايله – يا اكونومو واسطه سي له و يا سايره  واسطه لرله . آنجاق اپوزيسيون هر عصيرد ه و هر د وروم دا بير  ا ورتاق  ايضاح  اوزيله  داشيميش د ير : 1 = مخالفت چي ليك ، 2 = آزليق ( اقليت ) ، 3 = بيرليك .

     ايندي سه آذربايجانين ميللي حركتينه و اونون حركت چي لرينه باخاراق بو سورونو يئني دن ائتمه لييك : آيا ملي حركتي و حركت چي لري بير اپوزيسيون آدلاماق اولورمي ؟

1= حاكميت له مخالفت چي ليك ، ملي حركت ده ، بو گونه د ك گورونمه ييب د ير . عكسينه حركت چي لر هر ساياق لا و هر يول ايله حاكميت له آنلا شماغا چاليشميش لار .

2 = ملي حركت چي لر آزليق دا اولا بيلمزلر ، نه دن كي اولكه نفوسونون 50% آذربايجانلي اولاراق و بو فاييزدان حركت چي لري نظرده آلاراق ، و د يگر طرف د ن اولكه د ن كنار ياشايان حركت چي لري علاوه ائده رك ، گورونور كي آزليق يوخ عكسينه چوخلوق آدي داها بو يئرده اويقون گورونور .

3 = بيرليك سوزو ، حركت چي لرده صاد يق د ئييل . نه دن كي چئشيدلي گروپ لار – فيكيرلر و جميعت لر بو حركتي داشياركن ، بيربيريله بيرليك ده گورونورلر .

     ائيله سه آذربايجانين ميللي حركتي و حركت چي لري بير اپوزيسيون ساييلميرلار . و بو اوزد ن يئني بير سورو : آيا ملي حركت و حركت چي لر اقتدار ساييليرمي ؟

اقتدار نه دير ؟

     حاكميت ده اولان كس لر – گروپ لار – پارتيالار و سايره ، اقتدار آدلانيرلار . اولكه نين ان اونملي ساحه لري اقتدار الينده اولور . اكونومو ريسورس لاري – پولتيكال آنلا شمالار – حربي قوه لر – ناظيرليك لر – پارلمنت و سايره مركزلر اقتدار الينده اولور . ايندي سه بو مركزلرين هانسي ملي حركت و حركت چي لر الينده د ير ؟ دئمه ك هئچ بيريسي ! بس : ملي حركت اقتدار حسابلا نمير و بو اوزد ن بير يئني سورو :

آيا ملي حركت و حركت چي لر بير پارتيا و اونون اويه لري حسابلا نا بيليرلر ؟

پارتيا نه دير ؟

     پارتيا بير بللي فيكير و مقصد چرچيوه سينده اولان شخص لرين توپلا نتي مركزي د ير . بو شخص لر مطلق پارتيانين يازيلميش و قرارا گلميش اصل لرينده فيكير بير و يول بيرد يلر . اونلار پارتيانين مقصد يني داشيان حركت لرده و چاليشمالاردا عمومو اشتراك ائد يب و بير عايله كيمي هر حال دا بير – بيريله برابر و بير – بيرينه آرخاد يلار . پارتيانين صد ري و ها بئله بللي وظيفه اوزرينده چاليشان كس لري اولمالي د ير . پارتيانين مالي دورومو بللي و آدي – عنواني – آرمي اولمالي د ير . پارتيالارين پارلمنت لرده يئري وارد ير و هر پارتيادان ، آلد يق لاري راي اوزوند ن ، اقتدار مركزلرينده و ناظيرليك لرينده كس لر اولمالي د ير .

     ايندي سه ، ملي حركت و حركت چي لر بو باشليق لارين هانسي له اوست اوسته دوشه ني وارد ير ؟ بلكه بير آز فاييز حركت چي لردن « حركت ايچينده » بير پارتيا قورماق مقصد ينده وارد يلار . آمما بيلد ييميز كيمي ، تاسف له حاكميت بونلا را هئچ يول وئرمه د ن ، پارتيا قورماقي هئله ليك حركت ايچينده نظرده آلمير . بس : ملي حركت بير پارتيا د ئييل و حركت چي لر پارتيا اويه رلري دئييل لر . ائيله سه : آيا ملي حركت بير آنارشيسم و حركت چي لر آنارشيست د يلر ؟

آنارشيسم نه دير ؟

     قانون لا اوز به اوز دايانان و اونو سيند يران كس لره آنارشيست و بو فعله اوزه لليك له آنارشيسم د ئييرلر . آنارشيسم حوكوم سوره ن حالدا ، هئچ قانون كسرلي اولماييب و هر كيمسه اوز ايسته د يي كيمي دورانير . قانون لاري اينيش – يوققوش ائده ن و اولكه ده د يرگين ليك سالان كس لره آنارشيست د ئييرلر . بئله حال دا «قانون دان اوز چئويرمه ك » و « آراني قاتماق » آنارشيست لرين گوركمي د ير .

     ايندي سه ، ميللي حركت ده بئله قانون سوزلوق گورونمه يه ن حال دا و قانون سوز لوغا يول وئريلمه ين حال دا و عكسينه قانون لاري داها دقت لي و كسرلي قيده آلينماق ايسته د يك لري حال دا و د يگر طرف د ن حركت چي لر داها آرتيق اوزلريني قانون چرچيوه لرينده آلماغا اصرارلي اولدوق لاري حال دا ، بس ميللي حركت بير آنارشيسم يوخ و حركت چي لر بير آنارشيست دئييل لر .

ديازپورا نه دير ؟

     آنا وطن دن كوچموش و هر  نه د ن له  د يرگين دوشموش كس لرين بيرليك تشكيلات لاري اولدوق لاري حال دا ، اونلار بير د يازپوراني تمثيل ائد يرلر . د يازپورالار عمومو حال دا بير سوي دان – يا بير اينام دان و يا بير توپراق دان اولورلار . اونلار كوچد وك لاري يئرده ، اوز حاق لاريني يئني د ن الده ائتمه ك ايچون ، چاليشيرلار . د يازپورالار بوندان بئله كي اصيل بير اولكه شخصي حسابلا نمير لار آمما سيغناق آلد يق لاري اولكه د ن بير پارا حاق لاري طلب ائده بيليرلر . دئمه ك د يازپورا « باشقا يئرلره كوچوب – يئني وطن قوران كس لر ه » بير ايضاح د ير . حال بو ايضاح لا د ئمه ك اولور كي ميللي حركت . حركت چي لر د يازپورا ساييلميرلار . ( ��ولكه دن كناردا ياشايان كوچه ري آذربايجانلي لار ، حركت چي اولد وق لاري حال دا ، بير د يازپورا حسابلا نا بيليرلر . ) . يوخسا ميللي حركت بير لابي و حركت چي لر لابيس د يلر ؟

لابي نه دير ؟

         lobb  سوزلويوند ن آلينان lobby بير اوطاق دير كي اورادا پارلمنت عضولري – عادي خالق ايله گوروش ائد يرلر . آنجاق زامان سووشدوقجا بو گوروش لر آل – وئره چئوريلميش د ير . لابي سوزلويو اوز معناسيني گوروش اوطاقيندان چئويريب و « گيزلي آل – وئر لره » باغلا نميشد ير . لابيس لر بير طرف ده پارلمنت عضوي و يا داها يوكسه ك مقام دا يئر توتان بير كس و د يگر طرف ده آ دي بيلينمه يه ن و گوزه گورونمه ين بير كس لر و گروپ لار د يلار كي همين آد ليم كس د ن حمايه ائد يب و اونون برابرينده بير پارا ايش لر توقعي ائد يرلر . آنجاق بو گوروش لر و بو آل – وئر لر نه  ساياق  اولا  بيلر ، هر كسه معلوم د ور . د ئمه ك  قانون  اوزريند ن  كنار و  گيزلي علا قه لرله باغلا نان مقاوله لر د لر . اولكه لرين چوخلو اونملي و ده يرلي مركزلري چوخ حال دا بير پارا بو لابي لر و لابيس لر ساريسيندان اداره اولونور و بلكه ده چوخ يئرده  پارلمنت لردن  ايره لي  گئد ير بو لابي لر .

     سوز يوخ كي ميللي حركت بير لابي كيمي گورونمور و حركت چي لر ده لابيس ليك گوزه دئيمه يير . ائيله سه ميللي حركت بير جبهه و حركت چي لر بير جبهه اشتراك چي لاري ساييلير يلار يوخسا يو خ ؟

جبهه نه دير ؟

     جبهه ايكي معنادا گئدير : حيسسي معنا و دوشونجه معناسي . حيسسي معنادا جبهه گوزه گورونه ن و لمس اولونان بير سوزد ور . مثال محاربه جبهه سي – ايلك جبهه ( محاربه ده ) – ايستي هاوا جبهه سي ... و دوشونجه معناسيندا : چئشيدلي معنالارين بيرليك دورومو . د ئمه ك هر دوروم كي اوندا ايلك باخيش دا بيرليك معناسي آ لينير و درك اولونور . چئشيد لي معنالار نه ساياق بيرليك دوروموندا اولا بيليرلر ؟ سا ده ميثال : بير خياوان د ئييلند ه ، گوره نه  و دوشونه نه تمثيل بير خياوان د ير تكجه . حال بو خياوان دا ائولرين بيناسي – مكتب – بانك – چوره ك چي  خانا – پارچا  توكاني – مسجد – آ فتابوس و تاكسي استاسيونو – بير ده رگي اوفيسي – بير باشماقچي توكاني ....اولا بيلير . آنجاق بو چئشيد لي بينالار خياوان سئراسيندا دوزولدوك لري حال دا بير مستقل آد داشيا بيليرلر عيني حال دا كي اوز مستقل ليك لريني سون درجه يه كيمي حفظ ائد يرلر . جبهه اوزلويونده بير عنوان اولاراق گورونور كي دوروم ايله موناسيب بير يئني آ د دا اوزيله داشيير . دئمه ك جبهه نين نه اولدوغو همين بو آدلارلا بللي اولور . آنجاق جبهه آزليق يوخ ، عكسينه چوخلوق فاييزدا ماليك بير دوروم اولدوغونا گوره ، اونون ايكينجي آدي و داها اونملي د ير . مثال ، جبهه باره سينده بو آد للا را راست لاشماق اولور : آزاد ليق جبهه سي ( د ئمه ك گروپ لار – كس لر – تشكيلات لار – جميعت لر ...د ن تشكيل تاپان بير جبهه كي مقصدي بير اولكه يه – يا بير خالقا – يا يبر سرحد ده آزاد ليق قازانماق د ير ) – دايانيق جبهه سي ( د ئمه ك بير جبهه كي اوندا توپلانانلار بير زورلاما يا بير حربي دوروم دا دايانماق مقصد ينده د يلر ) – خالق جبهه سي ( بير جبهه كي اوندا اشتراك ائده ن لر عادي خالق دان و خالق منافعي ني قوروماق ايچون توپلا نيب لار .) – دموكراتيك جبهه سي ( بير جبهه كي اوندا اشتراك لاري اولان هر كيمسه و هر تشكيلات د موكراسيه اينانيب و اونون مدافعي كيمي دايانيب لار . ) – بيرليك جبهه سي ( چئشيد لي فيكيرلر – اينام لار – تشكيلا ت لار – جميعت لر – گروپ لار و كس لردن يارانان بير جبهه كي مطلق بير بللي مقصده اينانيب و اونا ساري يول آليرلار .) – ميللي جبهه ( بير جبهه كي اوندا توپلانان لار بير ميللي منافع اوزرينده بيرله شيب لر .) – وطن جبهه سي ( وطن اوغروندا چاليشان گروپ لارين تشكيلاتي اولان بير جبهه .) – قورتولوش جبهه سي ( بير جبهه كي بير دوروم دان – يا بير حاكميت د ن – يابير زورلامادان قورتولوش مقصد ينده بر پا اولوب دور .) و سايره .

     جبهه ده اولان اوزلليك بوندا د ير كي اونون چرچيوه سينده اولان كس لر – تشكيلات لار – گروپ لار – يا جميعت لر و حتي پارتيالار ، چئشيد لي يول لار و سويه لرده چاليشماق لارينا باخماياراق ، مقصد ده و سون سوزده مطلق بيرليك لري وارد ير . ائيله سه بير جبهه چرچيوه سينده چاليشان گروپ لار ، بونسوز كي بير بيريني هد ه له ييب  و آرادان آپارماغا چاليشسين ، اوز مقصد يني قورويوب و سويه سيني داوام ائد ير . گوركم ده بير بيريله فرقلي اولماق لارينا راغما ، بير بللي دوروم دا ، عيني له شيب و بو فرقي آز زامان اولموش سادا كنارا قويورلار . جبهه اشتراك چي لاري اوز منافعيني باشقا اشتراك چي منافعي ينده گورور و اونا گوره ده باشقالارين منافعي ني اوزونونكو قده ر قوريور .

     بير واحد جبهه چرچيوه سينده چاليشان لار داها باشقا كس لري – گروپ لاري اوزلرينه بير رقيب كيمي يوخ ، بير اورتاق فيكيرلي و مقصدلي دوست كيمي گورورلر . عيني حال دا اوزلرينده اولان قابليت لر و چيخارلاري د ينج ليك له اوزه چيخارتماغا مجال تاپيرلار . جبهه چرچيوه سينده هر كس – هر گروپ – هر جميعت و هر بير كونوللو بيريسي اشتراك ائده بيلر بونسوز كي اوزونو او چرچيوه ده آرتيق و يا ثمرسيز و يا يئرسيز گورسون . جبهه نين اشتراك چي لاري تكجه مقصد لري آيريلد يق لاري حال دا  آيريلماغا يول وئريرلر و سويه آيريليقي ، مقصد آيريلماسينا سبب اولا بيلمز .

     ائيله سه آذربايجانين ميللي حركتيني بير جبهه و حركت چي لري بير جبهه اشتراك چي سي آدلاماق اولورمو ؟

 

                                                                                                                                        Zohre-vefayi.blogspot.com

zeynabpasha@issa2000.net