مهندس اماني ايله دانيشيق (آخير بولوم):

 خاقليميزين يولونا فدا دئييره م بو گونلري

سوال: سيزين دوستاقدا قالماغينيز حياتينيزدا بير پروسه ايدي كي كئچيريب سينيز ، چهرگاني – نين ميللي حركتين گئديشاتيندا ايز  بيراخماسي – دا يئنه آراشديرمالي دير و بير سيرا آداملارين و ضيالي لارين فيكيريجه محمودعلي چهره گاني بو حركت – ده بير سيرا ايزلر بيراخميشدير و بودانيلماز دير. سيزين دوستاقدا قالماغينيز اونونلا باغلي اولاراق گؤروروك كي چهره گاني عين حالدا كي بير يئرده پيشه وري – يه اعتيراض اولاراق دئير: «سن نييه باكييا گلدين و قاليب ايراندا فيكيريوه گؤره اؤلمه دين» آمما اوزو راحاتليقلا مينير هواپيمايا و سولارين او تايينا گئدير بونو بيزه آچيقلايين كي بو ايش نئجه اولور؟ سيز دؤرد ايل حبس چكيرسيز آمما او راحاتليقلا چيخير و گئدير؟

اماني: بو كي دئييرسيز چهره گاني – نين بير سيرا ايشلري اولوب كي دانيلماز دير و انودولمازدير ، دوزو بودور، ميللي حركتده دوقتورون چوخ اوستون بير ايزي و تاثيري اولموشدور. آمما بو كي من نييه دوستاقدا قالديم آمما او قالمادي؟ دوغرو سو و دوزو بودور كي (بونو بوتون بو ايشلرله ماراقلانانلاردا داها ياخجي بيليرلر) اونو قاچاق اتهامي ايلن محكمه يه چكمك و دوستاداقدا ساخلاماقلاري اونا و اونون شخصيتينه لطمه ويرماق اوچون دور. ايسته ييرديلر دوقتورو بدنام ائده لر . بونون دا داليسيجا ميللي حركتين آدين پيسه چكمك ايدي . يوخسا  من دوقتور يا باشقالاري خالقيميزين اونون ده بير كيمسه ده گيليك . هدف بو ايدي كي ميللي حركته ايسته يير ديلر لطمه ويرالار و دئيه لر كي بو ساحه ده چاليشانلار بو ايشلره باخيرلار. بيزيم خالقيميزين او قده ر بدبختچيليك لري وار دير كي قاچاق چي ليك ائتمك لازيم ده گيل اونلار فارس منطقه لرينده – ده ائله قار كوره مك له ، خيرداچؤره ك ييغماقلا ، كهنه نايلون باشماق ييغماقلا بعضي ايشلره باخماقلا كي بعضا يوك داشيماق حددينده ده اولور و بعضا غير قانوني ايشلره ده ال ويريرلار و بودا مسئوللاريميزين صفاي باطن لرينده ندير. و اونلارين دوزومسوز اولماقلارينداندير . و بئله دئيم كي اونلار شايسته ليك لرينينن آز اولماسينداندير كي بيزيم گنجلريميز و انرژيك نيرولاريميز گئديرلر و آيري منطقه لرده بئلنچي ايشلره باخيرلار و بو ايشده ن داها ياخشي بودوركي گئديب سرحددين او تاييندان ايكي دانا تئلويزيون گتيريب و بوردا ساتيب بئش اون مين تومن قازانالار و بو ايش چوخدا پيس بيردامغا ده گيلديركي چهره گاني – يه ويريرديلار. اولابيلردي و بيز بو ايش اوچون حاضيرلاشميشديق كي بيزه آيري دامغالار دا (اتهام) ويرالار و بو طبيعي بير مسئله دير. هر حالدا بو ايشده ن نييت ميللي حركته ضربه ويرماق – ايدي . شوكور اولسون آللاها كي بو ايشده اوغرولودا اولا بيلمه ديلر. نييه كي بيلنلر بيليرديلر و ايندي ايلگي لر چوخدور ، و هامييا چاتديرماق راحات اولور كي جريان نه دير. دوقتور سياسي محكمه يه چكيلمه دي، نه اوچون ؟ نييه ؟ سيزده بيليرسيز، منده بيليرهم، ميللتيميزده بيلير. او زامان اونو سياسي محاكمه ائتمه ديلر،مني و يولداشلاريميزي ائله ديلر. حتي يولداشلاريميزدا حؤكم – ده وئريلمه ميشدير . منه وئريلدي و بو ايكي منده دورد ايلده ن آرتيق دوستاقدا قالديم، دئمه لي هله ليك 23 – ايل يا 24 ايلده ن سونرا سياسي سوچلار تعريفله نمه ييب كي نه دئمكدير. بو ايش بير هفته نين ايچينده تعريفلنه بيلر كي سياسي چاليشما نه دئمكدير؟ سياسي دامغا نه دير؟ و سياسي سوچلو و متهم كيمدير؟ بيرينجي لازيمدير بونلار بللنسين و بيزه اعلان اولسون سونرا . من زيندان – دا سياسي عنوانلاردان آد گتيريركن ، مسئوللار دئيه رديلركي: بيزيم سياسي سوچلوموز و سياسي زينداني ميز يوخدور، بس سياسي نه يه دئييلير. امنيتي دير. بو ايشلر ده چاليشانلارا و توتوقلانانلارا ضد امنيت داخل و خارجي دئيير لر. اولسون عنوان هرنه اولور اولسون آمما بيز بير ميللتچي ييك و بو بيزه بير فخر دير، هر نه آرخاسيجا و اونون – ده گليربيز اونو باغيرميزا باسيريق و اونو سئويريك كي بيزه ميللتچي دئسينلر و ايندي هر كيمسه هر نه ايستگي وارسا بيزه دئسين بيز بئله دئييريك دوقتور سياسي محكمه يه چكيلمه دي، اولا بيلردي بئلنچي اولسايدي منه وئريلن حوكمون اوچ قاتي اونا وئريلسين يا منده ن آز يا چوخ هر نه، آنجاق بو كي آماني «با اطلاع از اهداف رهبر حزب ياني دوقتور چهره گاني ، مشاور عالي رهبر حزب ياني چهره گاني ، حزب قورماق اونونلار بيرليكده و به نفع بو تشكل چاليشما آپارماق و پيشبرد اهداف رهبر حزب» كيمي سوزلري كي گؤرورسور جؤكموده بونلار هاميسي ياني دوقتور چهره گاني ، نه اوچون اونو محكمه يه چكمه ديلر بو قالسين اونو هامي بيلير، اولابيلر كي من بو مسئله ني آچيقلاسام بو ايشي يئتري قده ر ائده بيلمه يم، ميللتين اورةگينده كي اولا بيلر منيم بيلديگيمده ن آرتيق اولموش اولا . بير رسام بير رسم تابلوسونداا بير مسئله ني بو يالارلار مطرح ائتمك اوغروندا چاليشا آمما رسمه باخان ، رسامدان چوخ – چوخ گوجلو و متعالي ائلييه بيله بو تابلودان بير سيرا سوزلر آلاكي بلكه ده رسامين فيكرينه چاتميشيق اولمايا ايندي بو حركتده ن ، بيزيم حبسه معروض قالماغيميزدان، چهره گاني – يه قاچاق اتهامي ويرماقدان، ها بئله اماني » - ني بئش ايل دوستاقا محكوم ائديب دوردايل اونو حبسده ساخلامقدان اولا بيلر ميللتيميز بو ايشلرده ن باشقا آنلام – لار آلا باشقا دوشونجه لر و حقيقت لره چاتاكي بيزيم بلكه فيكريميزه ده چاتمايا. بو چوخ ياخجي دير و خالقيميزين شعور و دوشونجه سي او قده ر اوستوندور كي بو مسئله لري بوتونلوكله آچيقلايا وبير دگلري سونوجا چاتا.

چهره گاني – ني نييه محكمه يه چكمه ديلر و نييه محكوم ائتمه ديلري خالقيميز منده نده ياخجي بيلير . اماني قالدي ، عشق اولسون، دورد ايل جاوانليغي ساووشدئو آنجاق هدر اولمادي ، اوندا عشق اولسون . او چتين ليك لره – ده عشق اولسون ، عائله مين باجيلاريمين گؤزونده ن آخان گؤزياشلارينا دا عشق اولسون.

اوشاقلارين مني گؤرمه ده ن بويويوب بويا باشا چاتماقلارينا و منيم آديم ايلن ديل آچماقلارينا دا عشق اولسون ، اولا بيلر باشقا چتين ليك لرده چكميش اولالار بايرامدا بونلار گؤزياشي ايلن باشلاييبلار ، بايراملاري گوزياشي ايلن ساووشوب ، خوش گونلري گوز ياشي ايلن ساووشوب ، قيز كؤچورده نده آغلاماق ايلن كوچوردوبلر ، گلين گتيره نده آغلاماق ايلن گتيريبلر و باجيم اوشاقلارينين تويو دالييا دوشوب قوهوملار هاميسي مني گؤزله ييبلر ، بونلارين هاميسينا عشق اولسون خالقيميزا و اونلارين يولونا فدا دئييره م بو گونلري.

 

سوال: لاپ دوزو من ايسته ديگيم سورغو كي «نييه چهره گاني راحتاليقلا اوروپادا دولانا بيلير آمما سيز دؤرد ايل حبس چكدينيز؟» جاواب آلماديم مومكونسه بونو آرتيق آچيقلاياسينيز؟

اماني:بو حاقدا كي دوقتور اوروپادا دير و اوردا دولانير دئمه لييم كي بو ايشين هئچده فيكيرلري ايلن آيريليغي يوخدور. اولا بيلركي بير مرحله ده بير سياسي چاليشقان بو سونوجا چاتاكي چاليشماسين آپارا آيري بير شهرده ، باشقا بير اوستاندا يا باشقا بير اؤلكه ده آردين توتا و بو ايشين هئچده ميللي حركت ايلن مغايرتي  يوخدور ، آمما بوكي نييه دوقتورو محكمه يه چكمه ديلر و مني چكديلر قاباقكي جاوابيمدا دئديم كي خالقيميز اونو بيزده ن داها آرتيق بيلير، او دووروده دوقتورو محكمه يه چكسه يديلر ، باش قا جؤره اولاردي، اوندا دوقتورو محكمه يه چكمه ديلر و دوقتور ايراندان ائشيگه چيخدي ، اولا بيلر بو محاكمه قاليب سونرالارا اولابيلر بير سيرا سياست لر اساسيندا دوقتورو و اونون تايلارينو بير سيرا يولداشلاريميزي محاكمه ائتمه يه لر. اولا بيلر بئله قرارا گلميشديلركي مني ساخلاسينلار – بلكه ده مني اوردا نمونه اولاراق ميللي حركت اوغروندا چاليشان اوشاقلاري قورخوتماق نييتي ايلن ساخلاميشديلار. بلكه ده مني بو سيخينتيلارلا آتالار دئميشكن پيشيك اولدوروب گؤز قورخوتماق دئيه اوشاقلارا دئسينلر كي سيزي ده ساخلاياراق بلكه اونلار قورخوب – آز  بو ساحده چاليشينلاريا دا منيم اوزوم اوچون بير سيرا محدوديت لر ياراتماق اوچون ايدي ايسته ميرديلر جامعه ايلن اولام ، ايسته ييرديلر ضيالي لارين ايسته ييرديلر ميللي اوشاقلارين ياديندان چيخام كي بو ايشده – ده اوغورلو اولا بيلمه ديلر. اماني – نين ساخلانماسي حاقدا سيز مسئوللاردان چوخلو سواللار سوروشا بيلردينيز و بو سواللار سوروشولماييبدير البتته يئنه ده گئج ده گيلدير. يئنه سوروشا بيلرسينيز و مطلق اونلارين – دا بير سيرا بو سورغولارا جاوابلاري واردير.

 

سوال: اولا بيلر كئچميشده ، سيزينله چهره گاني – نين آپارديغي سياست لرده بير سيرا ايشتيراك نقطه لري اولوب ، آمما ايندكي وضعيتده نه قدر اؤزونوزو چهره گاني – نين آپارديغي ايشلرده و جيزديغي پلانلاردا اورتاق گؤرورسونوز؟

اماني: بو سوال  منده ن دفعه لرله سوروشولوب كي دوقتور چهره گاني ايلن سيزين ايلگينيز نئجه دير. و اونونلا گلجه يينيزي و كئچميشينيزي نئجه گؤرورسونوز؟ باخين من بير ميللتچي يم. اوزوموده ميللي حركتده بير ميللتچي كيمي ساييرام . منيم يالقيز دوقتورايلن يوخ بلكه بوتون ميللي ساحه لرده چاليشان ميللتچي لرله ياخين قارداش بيليره م . آذربايجانين فرهنگي نين ، مدنينتي نين اعتيلاسيندا ، ميللتين باشي اوجاليغي اوغروندا چاليشان اونون تاريخينه حؤرمت و سايقيسي اولان كيمسه لري باغريما باسيرام بير قارداشجاسينا اونون الين سيخيرام و گلجگينه باغلي بيليره م. دوقتورا دا بير ميللتچي اولاراق بئلنچي بير مناسبت واردير منده ، اونو بير قارداشجا سينا سئويره م كئچميشده بئله ايدي كي اونا منده ن ياخين بير كيمسه يوخ ايدي . بيز بيري – بيريميزه چوخ ياخين ايديق.ميللي حركت ساحه سينده ن علاوه بيزيم سبيري – بيريميزه بير عاطفي باغلي ليغيميز وارايدي.

او قده ر كي اونون بير عائله وي قوناقليغي دا اولسايدي گؤيلو ايستر دي كي من اوردا اولام. بيز دوستاقدا اولور كن طبيعي اولاراق گؤروشلريميز اولوردو اوردا – دا بير – بيريميزه فيكير يارديمي ائديرديك و دادگاهين گلجه يي حاقدا و نئجه اولماسي حاقدا دانيشيب گؤروشوردوك . بو حركت بير دنيزه بير آخان بويوك حجم ـ لي چايا بنزه ر ، كيمسه بو گئديش ايلن واردير آدي ده نيز دير، آخار چايدير. كيمسه آيريليب كيچيك بير ايرماقا چئوريلسه داها اونون آدي چاي و يا دنيز ده گيلدير و اونون اوزونه عاييد اوزه ل آدي واردير. ميللي حركتده كيمسه واردير،  هاميميز بيري – بيريميزي سئويريك ، بير ـبيريميز�� آرخا و داياقيق ، كيمسه لر آيريليرسالار اونلارين اؤزلرينه عاييد آدلاري واردير . چهره گاني ايلن بورا قدةر منيم هئچ بير چتين ليگيم اولماييبدير. ايراندان ائشيگه چيخاندان سونرادا  دوزو بودوركي اونون وضعيتينده ن هئچ بير خبريم يوخدور  من زينداندان چيخاندان سونرا يالنيز باشيم گليب گئده ن دوسلارا قاريشيب:

دوقتورايلن – ده بوراقده ر هئچ بير ايلگيم اولماييبدير ، نتيجه ده اونون ائشيكده كيب وضعيتينده ن ده بير خبر سيزه م . اونون حاققيندا ، ايراندان چيخان لحظه يه قده ر هر نه سورغو سوالينيز وار سا قوللوغوتوزدايام و جاوابلاريم واردير . ايراندان چيخان دان سونراكي لحظه لر حاقدا سونراكي دانشيقلاريم دا آرتيق دئيب ائشيده ريك .

 

سوال: دوستاقدان چيخديقدان سونرا خالقين اؤزونوزله باغلي مناسيبت لرين نئجه گوردونوز؟

اماني: بيزيم ميلليتميز ، منيم عائلم ، دو سلاريم ها ميسي بيلير ديلركي من تخلف اجتماعي ائتمه ميشم . زينداندا اولماغيمين نه ده نيني ها ميسي ياخشي بيليردير . من صراحت ايلن آچيق آشكار دئمه لييم كي ميلليتمين مظلوميتي اوغروندا ، حاقلارين قورماقدان آسيلي ايدي ، منيم حبسده قالماغيم . ظولم لر كي منيم ميلليتمه اولور ، تاريخي ـ نين ، كئچميشي نين حاققيندا اولان ايجحافلار ، اينديليگينين بير انيسان اوچون اولان حاقلارين اؤنونده دايانان اينسانلار قاباغيندا آپارديغيم دايانيش و مبارزه نتيجه سينده ايدي منيم حبسده اولماغيم ، اوناگؤره ده ميلليتيم مني سئوير هابئله منده ميلليتيمي سئويره م .دوسلاريم بورا گلنده مني بيردوست كيمي باغيرلارينا با سيرلارسا مني ايستك له يير لر سه منه حؤرمت و سايقي ائديرلرسه منيم فيكيرلريمه گؤره وير . دوسلاريم بونو بيليرلركي من ياشا يشيمدان ال اوزوب گئديب زينداندا قالماغيم واو چتين ليكلره اومحدوديت لره دؤزوموم هاميسي ميلليتمين مظلومييت لرينه گؤره ايدي . و بونا گؤره ده مني خالقيم سئويرو منده اؤزوموچوخ خوشبخت حيس ائديره م دئيير (خوشبخت چيليگين يالنيز بير تعريفي وار اودا اونواينانما قدير). من زينداندا ـ دا اولوركن ، چتين گونلريمده ـ ده اؤزومو خوشبخت حيس ائديرديم . نييه كي اينانميشديم ميلليتمه گؤره ، ميلليتن مظلومييتينه گؤره چاليشان آدام چتين ليكلره ـ دؤزمه لي دير . اوناگؤره اؤزومو

هر بير آندا لاپ بئله پيس چتين ليكلرده ـ ده لاپ خوشبخت  حيس ائديرديم . اينديده سئوينيره م كي ميلليتيم مني بير ميللتچي كيمي ، خالق اوغروندا چاليشان بير اينسان كيمي قبول ائديرلر . بو منيم بور جوموخالقيما گؤره داها چوخالدير ، و بو سئوينديريجي بير حالديركي قرعه بوگون منيم آديما دوشوب ، شانس منيم آديما دوشوپدور ، و حيس ائديره م آياقيمي اوكيشي لرين آياغينين يئرينه قويموشام كي ، خاليق حاقلاري يولوندا ، ياشايشيين دا الينده ن و ئريبدير و چوخلو چتين ليكلر چكيبدير لر . بوگون منيم آديم اوكيشي لرين آدي ايلن آدلانديغي اوچون و اوكيشي لرين يولونون دادا مچيسي كيمي تانيندا يغيم اوزده ن سئوينيره م .

سوال ـ بو آدلار سيزه فخر دوغورور سابوينو زا آغير بير وظيفه ني ـ ده گتيرير ، سالير .آذربايجان حركتينده اؤزونوزون يئرينيري ها رادا گؤرورسونوز؟

اماني ـ بير چتين ليك قاباغاگلير سه ، بيرخالقاچتين ليكلر اوز وئر يرسه ، اونون ضيالي لارينين ادنون گنج لرينين اونون سيياسي هابئله مدني ساحه لرده چاليشانلارينين وظيفه سي بو چتين ليگي دئمكدير . منده اؤزومو بير سيياسي چاليشقان كيمي تانيياراق ، اؤزومه گره كلي بيليره م كي ، كئچميشلرده نده آرتيق انجاق اؤلچولوب بيچيلميش بو مظلومييت لراوغروندا و چتين ليك لري حل ائتمك اونمروندا چاليشام . بومنه بس ائديركي اؤزوموبير ميلليتچي آدلانديرام اوندا و اونونلافخر ائديره م. كؤنلوم ايسته يير نهايته قده ر بير ميلليتچي كيمي تانينام و قالام و بومنه بسدير . باشقابير يئركي نه قده ر منده ن ايستك لر چوخاليب و اينتيظارلار يوخاري گئديب نه حد ديده اويره نجي لرين ، ميللي فيكير اوشاقلارين منده ن نه اينتيظارلاري وار اونلار بير سيرا بحث لرديركي اوزومو بو ايشلره حاضيرلامالييام ، اوخويوب داها آرتيق اؤيره شمه لييم ، داها دابوندان آرتيق محكم لتمك اوغروندا چاليشما لييام كي ، بو اينتيظارلاري ئيرينه يئتيره م و ميلليتمي راضي سالام .

سوال ـ دورد ايلده ن سونرا ميللي حركتي نئجه گؤردونوز ، گؤتورولن سيياست لرده جيز يلان پلانلاردا  بير ده گيشيك ليك لر گؤردونوزموهئچ ؟

اماني ـ يوزفاييز . بومسئله ايكي يؤنده آراشديرماق اولار . بيري مللي فيكيرلي اوشاقلار و حركتين اؤزونون حاققيندا بير ده مسئوللرين حاققيندا.

مسئوللارين طبيعي اولاراق دؤزوملري داها آرتيبدير ، و ادها چوخالماليدير . ميللي حركته داها خور باخمير لاركي ائله بئله اولمالي دير . ميللي حركتين چاليشانلارينا حق وئريرلركي وئر مه ليديرلر . اونلارا بير سيرا نشه ييه لرين بيراخيلماسينا ترييونلارا يول وئريليبدير سو بودا وئر يلمه ليدير و گره ك ده اولاوبوندان آرتيق دا اولمالي دير .

آذربايجانين خالقي نين داها آوانگارد و اؤنجول  فيكيرلري وار ، چوخ اسگي تاريخلري و فخر ائتمه لي كئچميشلري اولوبدور . بوتون جنبش لرده بيرينجي ضعلرده اولوبلار . بوتون ده گيشيك ليكلرده بونلارين بؤيوك روللاري اولوبدور . بئلنجي قديم تاريخلي بير ميللت بئلنچي آيدين فيكير لسيي چوخ اولان بيرميللتين ، درگي سي بوندان ـ داچوخ اولمالي دير كيتابخانه سي اولمالي دير . بوندان داها آرتيق تر يبونلاري اولمالي دير . آمما من سوالينيزين جاوابيندا دئمه لييم كي دوغروسو بو وضعييت مني راضي سالير. بوناگؤره كي من زينداناگئديركن ميللتچي دو سلارين سايي بوندان قات ـ قات آزايدي . منجه زامانين گئديشي كونلرين اؤتمه سي بيزيم خئيريميزه اولوب و دوغرو سودا  بوشعار ياخشي بير شعار دير كي ، گلجك بيزيم ـ كي دير ، بئله دير و بئله ده اولمالي دير . منجه اوشاقلاردا بير آزجاجيق شور ـ دااولموش اولسايدي بوشور ، شعور ـ 1 ـ چئوريليب دير . گؤزه ل مونا سيبت لرده چيخيشلار اولور ، ييغينجا قلار اولور .  بابك قالاسي كيمي ، ستتارخانين ايل دؤنوموكيمي مشروطه نين يوزايلليكي مناسيبته حاضيرلانان يوبلئي لر واردير . صفرخانين ايل دؤنومو و ... دوسلارين ساوادلاري داها آرتيبدير . بوساوادلي لارين سايي يوزلرده ن ،مينلره قالخيب ، اوشاقلارين دوشونجه سي منطقه نين ، ده گشيك ليك لرينده  ن و دونياگئدشياتيندان يوخاري سوييه ده ـ دير . بونلارهاميسي مني راضي لاشديرير. بئله ده فيكيرلشيره م كي بوكئچن دؤرد ايل ،

منه ده محدودييت يوخ بلكه بير شتاب ايلن گئديش ايدي . او سيخينتي لار اوزلويونده بيرسيرا ، سر بست ليگه اوغرو يورومگه سبب اولوردو ، چوخ سئوينيره م بوحاللاراكي ميللي حركتين گلجگي دوسلارين واسيطه سي ايلين چوخ گؤزه ل شكيلده آراشديريلير .

اونلار جريانلارا داها دونمرو سو دوزگون  باشادوشورلر . گلجگه چوخ اوموربسله ميشم و بواومودومنه گؤردويوم وضعييت بخش ائديبدير .

سوال ـ گلجكده ن دانشيديز و اومودلو اولدوغونوزدان سوز آچديز ميللي حركتين  گلجك پلانلارينين نئجه اولماسي باره ده سؤز لر نييزي ائشتيمك استيرييريك .

اماني ـ دونيانين بير سيرا كلان ( بوتؤو ) سيياست لري وارديركي اولا بيلر بوسيياست لر هر اون ايلدن بير بلكه آزياچوخ ده گشييله ، باخساق بريتانيا اؤلكه سينه بير نئجه اون ايل بوندان اوول بواولكه بير استعمار چي اولكه كيمي تا نينميشيدير بونونه تاريخ دانير نه ده اؤزلري ، آمما ايندي اونلار باشقا جوره فيكير لشيب ايشلرين  پلانلاشديريرلار . اولابيلر اونلار اؤزايستكلرينه چاتماق اوچون باشقا بير يوللاردان فايدا لانسينلار اونلار بوگون بشر حق لرينده ن دانيشيرلار ايندي حاقسيز ليقلاردان دانيشيرلار ميثال دئيير لر فيلان اولكه نين خالقي فيلان حاقلاري واردير آمما چاتا بيلمير ايستك لري واردير چاتابيلميرلر . اونلار بئلنچي صوحبت لري دانيشيرلار . دئديگيم كيمي اولابيلر پرده آرخاسيندا اونلاريئنه همين استيك لرين آرخاسيندا ديرلار آمما بوگون سيياست لر ينده ده گيشيك ليك آپاريبلار . دونيا ده گشميك اوزره دير . كئچميشده شوروي آدلانان اؤلكه داغيلير و اوزمان بير گؤزله نيلميز ايشلر قارشيياچيخيير اونا گؤره ده فيكيرلشيره م كي سيياست لرده گشييله بيلير. بيز گلجه گي بير نئچه ايل سونرا گورمه لي ييك بو سيياست لر ايلن داؤزوموزو ايغونلاشديرمالييق منجه بير ميللت دونيا گئديشينده ن دالي دا قاليرسا  بير سيياسي فسادا مبتلا اولاجاقدير و «ديفتينيزم » سيياسي قاباغا گلجكديركي اوندا بير ميللت او قده ر دونيا ميللت لرينده ن اؤزون گئري – ده قالميش گؤره ركي ال آتار كئچميشده استعمااري آلتيندا قالديغي بير اولكه اونا يارديم ائتسين بونو من «فساد سياسي» آدلانديريرام كي اوندا بير ميللت ائله بير مرحله يه چاتير كي اؤز – آؤزلوگون باتلاق – دان چيخارماقا گؤجو چاتمير ، نتيجه ده ال آتير اؤزگه لره كي اونا نجات باغيشلاسينلار، بيزده بو مسئله ده ن استثناده گيليك اولا بيلر كي آغير گلجه گيميز اولسون .

 

سوال ـ آذربايجان حركتين منجه بير مسئله داها آرتيق تهديدائده بيلير اوداليده ر ليك مسئله‌سي دير.

بعضي آداملار اولابيلركئچميشلرينده‌ن آسيلي اولاراق اؤزلرين بوحركتين صاحيبي سانيرلار. يونلارايلن مناسيبتده سؤزونوز نه دير؟

اماني ـ هر كيمسه اؤزونو بوحركتين صاحيبي بيلير ياخشي ايش گؤروز، منجه‌ها ميميز بئلنچي اولماليييق، هاميميز ميللي حركتده و اوناقارشي اؤزوموزو بير دايا وآناكيمي سانماليييق. البتته گوجوموزده وارسا. آمما بوشرط ايلن‌كي يالانچي اولماسين دوغروداندا لازيم اولاندا هزينه وتاوان وئرمگه اوندا ـ دا داليدا دورمييالار. هركيمسه كي ادعاسي بودور. وايستگي بودوركي ايسته ييركي بوآدايلن آدلاناكي اؤنجول ـ دوره رهبردير، قاباقجيل دير، يول گؤسده ره ندير، من اونو باغريما باسيرام.اونوايسته ييره‌م وسئويره‌م آمما يالانچي اولماماغي لازيم اولان شرط لرده‌ندير. يئري گلديكده امتحان لاردان سيناقلاردان چيخماق لياقتينه ماليك اولا. چتين ليك لرده دايانا، ديزينده يوك لري داشيماغا اولدوغوقده‌ر گوج اولا. يوخسابوگون تريبون آرخاسيندا اولان دا نظري بئلنچي اولاكي آلقيشلاناو بيرآغ ساققال وتانينميش مهره كيمي اونا حورمت قويالار وائده‌لر. گونو وئيري گلديكده گله وخييانت ائده، لازيم اولاندا سوسا، سارسيلا وبلكه خييانت ده ائده اوندا اولا بيلمز هامي گوجو قده ر . بو بير داشيمالي يوكدور . بورادان گوتوروب باشقا بيرئيره بويوكو قويمالييق هر كيمسه ‌نين هر نه ‌قده ر گؤجونده‌ن گلير بويوكده‌ن داشيين. بوردا هئچ بيرمقام صاحيبي اولماق. خوشلوق، پول و منصب يوخدور هر كيمين هرنه گوجوچاتير دينمه‌ده‌ن دانشيمادان بويوكون بيرآز ـ ين داشيسين. بوعنوانلاري ـ داگلجكده تاريخ و حركت اؤزواينسانلارا وئره جكدير وآييراجاقديركي كيم ليدرليك ائده بيليپ كيم يالان دانيشيب وكيم وظيفه سيني ياخشي يئرينه يئتيريب دير. بورادانه قهرمان اولماق ايسته ييريك، نه ليدرليك ايسته ييريك، بونلاربيرسيرا كيچيك ايسك‌ لرديدلر. اينسانين ايجه ري ـ سينين كيچيك ومحدود اولماسينداندير. و شخصييت ـ نيين آلچاق اولماسينداندير. آغابيردانا آغيراشيدير، آغيريوكدور وآغير وظيفه دير هر كيمسه كؤنلوجه دير داشيسين.